ლეპტოპის არჩევა თითქოს მარტივი პროცესია – გვინდა ძლიერი, ლამაზი და ხელმისაწვდომი მოდელი. მაგრამ პრაქტიკაში ხშირად ისეთ დეტალებს ვუგულებელყოფთ, რომლებიც მომავალში სერიოზულ პრობლემებს გვიქმნის. შევხედოთ ყველაზე გავრცელებულ შეცდომებს, რომლებსაც მყიდველები უშვებენ:
მხოლოდ ფასზე ორიენტირება
ხშირად ვირჩევთ ყველაზე იაფ ან ყველაზე ძვირ მოდელს, ვფიქრობთ, რომ ეს საუკეთესო გადაწყვეტილებაა. რეალურად კი მთავარი არის ბალანსი – რა გჭირდება შენ: სასწავლებლად, სამუშაოდ თუ გეიმინგისთვის? იაფი მოდელი შეიძლება მალე მოძველდეს, ხოლო ზედმეტად ძვირის ფუნქციები შეიძლება საერთოდ არ გამოგადგეს.
მახასიათებლების ზედაპირული შეფასება
ბევრი მომხმარებელი მხოლოდ პროცესორის სახელს ან მეხსიერების რაოდენობას უყურებს. მაგრამ მნიშვნელოვანია სხვა დეტალებიც:
• ბატარეის ხანგრძლივობა
• ეკრანის ხარისხი (ფერთა სიზუსტე, რეზოლუცია)
• SSD-ის სიჩქარე
• პორტების რაოდენობა
ეს დეტალები ხშირად უფრო დიდ გავლენას ახდენს ყოველდღიურ მოხმარებაზე, ვიდრე მხოლოდ „GHz“ ან „GB“.
ზომისა და წონის იგნორირება
სტუდენტებისთვის და ადამიანებისთვის, ვინც ხშირად გადაადგილდება, მარტივად სატარებელი, თხელი და მსუბუქი ლეპტოპი აუცილებელია. ზოგჯერ მომხმარებელი დიდ ეკრანზე შეჩერდება, მაგრამ მერე აღმოაჩენს, რომ ყოველდღე ზურგჩანთაში 2.5 კილოგრამიანი მოწყობილობის ტარება პრობლემურია.
ბრენდის ბრმად არჩევა
„მეგობარმა მირჩია ეს ბრენდი, ამიტომ ვიყიდი“ – ეს ყველაზე ხშირი შეცდომაა. რეალურად, ერთსა და იმავე ბრენდსაც აქვს როგორც შესანიშნავი, ისე საშუალო ხარისხის სერიები. ყურადღება მიაქციე კონკრეტულ მოდელს და მის რეალურ მიმოხილვებს, არა მხოლოდ სახელის პრესტიჟს.
გარანტიისა და სერვისის უგულებელყოფა
ხშირად ვამჯობინებთ დაუმოწმებელ წყაროებს ან უცხოურ პლატფორმებს, სადაც ფასი ცოტა იაფია. მაგრამ შემდეგ, პრობლემის შემთხვევაში, აღმოვაჩენთ, რომ სერვისი არ გვაქვს. გარანტია და სანდო დისტრიბუტორი ხშირად ისეთივე მნიშვნელოვანია, როგორც ტექნიკური მახასიათებლები
დასკვნა
ლეპტოპის არჩევისას მთავარი არის შენი საჭიროებების სწორად განსაზღვრა და დეტალების გათვალისწინება. ულტრაში დაგეხმარებით, რომ თავიდან აირიდოთ ეს 5 შეცდომა და თქვენს საჭიროებაზე მორგებული ნოუთბუქი შემოგთავაზოთ, თავისი სერვისით
