საგარანტიო ტალონი

საგარანტიო მომსახურეობის პირობები

საგარანტიო მომსახურება ფარავს ოფიციალური ბრენდის მიერ დადგენილ პირობებს.

საგარანტიო მომსახურება გულისხმობს ნივთის უფასო შეკეთებას საგარანტიო პერიოდში. საგარანტიო მომსახურება ხორციელდება ავტორიზებულ სერვის ცენტრებში, საგარანტიო ტალონში მითითებულ მისამართებზე. 

გარანტია ვრცელდება ტექნიკის იმ დაზიანებაზე, რომელიც განპირობებულია ტექნიკური წუნით (არა პროგრამული). სერვის ცენტრში საგარანტიო მომსახურების მისაღებად უნდა წარადგინოთ საგარანტიო ტალონი, გადახდის დამადასტურებელ დოკუმენტთან ერთად და მწარმოებლის საგარანტიო ტალონი (ასეთის არსებობის შემთხვევაში). 

საგარანტიო ტალონში აუცილებლად უნდა იყოს აღნიშნული ნივთის დასახელება, სერიული ნომერი (იმეი კოდი არსებობის შემთხვევაში), მყიდველის სახელი,გვარი, პირადი ნომერი, შეძენის თარიღი, გამყიდველი კომპანიის ბეჭედი, პასუხისმგებელი თანამშრომლის და მყიდველის ხელმოწერები. წინააღმდეგ შემთხვევაში პროდუქტს საგარანტიო მომსახურება არ შეეხება.

ტრანსპორტირება სერვის ცენტრამდე და პირიქით ხორციელდება მომხმარებლის ხარჯებით.

სერვის ცენტრი ვალდებულია, შეაკეთოს დაზიანებული ტექნიკა საგარანტიო ტალონში მითითებული პირობების შესაბამისად, სერვის-ცენტრში მიღების მომენტიდან 45 სამუშაო დღის განმავლობაში. (არ შედის შაბათ-კვირა და ოფიციალური დასვენების დღეები). იმ შემთხვევაში, თუ ნივთი აღნიშნულ ვადაში ვერ შეკეთდა პროდუქცია ექვემდებარება შეცვლას. ნივთი იცვლება იგივე მოდელით. თუ იგივე მოდელი აღარ არსებობს, იდენტური სპეციფიკაციის სხვა მოდელით. 

იცვლება მხოლოდ დეფექტური ნივთი და არა სრული კომპლექტაცია (აქსესუარები და სახარჯი მასალები).

თუ შეძენიდან 5 სამუშაო დღის (გარდა შაბათ-კვირა და ოფიციალური დასვენების დღეებისა) განმავლობაშიმომხმარებელმა მიმართა სერვის ცენტრს ტექნიკური წუნის გამოვლენის მიზეზით, წუნის დადასტურების შემთხვევაში, სერვის ცენტრის დასკვნის საფუძველზე, მოხდება ნივთის შეცვლა ახალი, იგივე პროდუქტით. მომხმარებელმა ნივთი უნდაწარადგინოს სრული კომპლექტაციით, ყუთით, ფიზიკური დეფექტების და ნაკაწრების გარეშე. 

საგარანტიო პირობები არ ვრცელდება

-გასულია საგარანტიო ვადა;

-საგარანტიო ტალონი არ არის წარმოდგენილი;

-არ არის წარმოდგენილი მწარმოებლის საგარანტიო ტალონი (არსებობის შემთხვევაში);

- ოპერაციული სისტემის, პროგრამული უზრუნველყოფის ნებისმიერ დაზიანებაზე.

- ტექნიკაზე, რომელიც ფიზიკურად არის დაზიანებული მაგ: გაკაწრული, გაბზარული, ჩაჭყლეტილი, დამწვარი, დამდნარი, დეფორმირებული, გატეხილი. 

ასევე სითხით გამოწვეულ დაზიანებებზე. მათ შორის იმ შემთხვევაში

თუ მოდელის სპეციფიკაციაში მითითებულია დაზიანების საწინააღმდეგო ფუნქციის არსებობა.

- თუ პროდუქციის ქარხნული სერიული ნომერი შეცვლილია, წაშლილია ან დაზიანებულია. დარღვეულია პროდუქციის ექსპლუატაციის წესები (ექსპლუატაციის

წესები იხილეთ პროდუქციის თანდართულ დოკუმენტაციაში ან მწარმოებლის ვებ. გვერდზე).

- ტექნიკაზე, რომელიც არასტანდარტული ქსელის ძაბვის ზემოქმედების შედეგად არის დაზიანებული.

- ტექნიკაზე, რომელზეც სამონტაჟო ან საგარანტიო სამუშაოები არ არის შესრულებული უფლებამოსილი სერვის ცენტრის სპეციალისტის მიერ.

- არაკვალიფიციური ან დაუდევრად მოხმარებული ტექნიკის დაზიანების შემთხვევაში.

- მონიტორის, ნოუთბუქის, ფოტოაპარატის ან ტელეფონის ეკრანის განსაზღვრული რაოდენობის მკვდარ წერტილებზე. (დეტალური ინფორმაცია იხილეთ ტექნიკასთან 

თანდართულ დოკუმენტაციაში ან მწარმოებლის ვებ. გვერდზე)

- პრინტერში თუ გამოყენებულია ან ჩასხმულია სახარჯო მასალა.

საგარანტიო მომსახურება არ ვრცელდება პროდუქციის შემდეგ აქსესუარებზე და სახარჯ მასალაზე

- მობილურ ტელეფონის: ყურსასმენი, USB კაბელი, დამტენი.

- პლანშეტის: ყურსასმენი, USB კაბელი, დამტენი.

- პრინტერის: კაბელები, კარტრიჯები.

- ტელევიზორის: პულტი, დენის კაბელი, სათვალეები.

კომპანია არ აგებს პასუხს სმარტფონების დარუთულ სისტემასა და კომპიუტერის არალიცენზირებული პროგრამების გამოყენებისას, ტექნიკის არასტაბილურ მუშაობაზე.

მტკიცების ტვირთი: 

თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი

არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. 

თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა,იმის მტკიცების ტვირთი, რომ ნაკლი არსებობდა საქონლის მიწოდებისას, 

მომხმარებელს ეკისრება.მიუხედავად ზემოთქმულისა გაცნობებთ, რომ მოცემული საგარანტიო პირობები არ ზღუდავს მომხმარებელს, რომ ისარგებლოს მომხმარებლის უფლებების 

დაცვის შესახებ საქართველოს კანონით  მისთვის მინიჭებული უფლებებით!

ფიზიკური პირის მიერ შეძენილ საქონელს აქვს კომერციული და კანონისმიერი გარანტია თუ არ არის მითითებული სხვა პირობები. ასევე მომხარებელმა უნდა დააბრუნოს ყიდვის მომენტში მიმდინარე აქციის ფარგლებში მიღებული აქსესუარები, ელ.ვაუჩერები  ან/და  სხვა ნივთები, რომლებიც უნდა დაბრუნდეს ან შეიცვალოს ორიგინალ/დასაბრუნებელ მოწყობილობასთან ერთად. თუ ვერ მოხდება აღნიშნული ნივთების/ვაუჩერების დაბრუნება, მათი ღირებულება გამოაკლდება მომხმარებლისთვის ასანაზღაურებელ თანხას.

დაბრუნების ცენტრი:

•       შპს ულტრა, ნოდარ ბოხუას #4;   032 2 77 44 88;

მომსახურებასთან დაკავშირებული კითხვების ან პრობლემების მიმართეთ შემდეგ სერვის ცენტრებს:

• შპს ულტრა, ღვინის აღმართი #23; ნოდარ ბოხუას #4; 577 60 62 62/ 032 2 77 44 88; Ricoh, Lexmark, Epson, პერიფერია, კომპიუტერული კომპონენტები
• გოლეთიანი, თბილისი, ცაბაძის ქ. #8, სავაჭრო ცენტრი კიდობანი, მე-3 სართული, ბ. მაღაზია #14; 032 2 306 555; NOKIA (ტელეფონები)
  
• ტექპოინტი, თბილისი, ცინცაძის #5; ბათუმი, ჭავჭავაძის #31; ქუთაისი, წერეთლის #4;
  
• შპს ALLMARKET.GE, თბილისი, ვეფხისტყაოსნის ქ. #16; 032 2 052 505; PANTUM, VIVITEK, UGREEN
  
• შპს დასპ სერვისი, თბილისი, ნოდარ ბოხუას ქ. #4; 032 2 601 654; AEG, DELL, EMC, Enot, Fortinet, Grand Stream, IBM, QNAP, TRIPP-LITE, Unify
  
• შპს ევო სერვისი, თბილისი, ვაჟა-ფშაველას გამზ: #6; 032 2 375 461 HP (Stream 11, 13, HP, 14,15,17 PAVILION, OMEN, ENVY, SPECTRE, PAVILION/ENVY) მონიტორები, ALL IN ONE კლავიატურა-მაუსები

• შპს ელიტ სერვისი, თბილისი, ქავთარაძის #1; სადგურის მოედანი #2, ბათუმი, ასათიანის #51; 
• შპს ტექნოსერვისი, თბილისი, ვაჟა-ფშაველას #30ა; ბათუმი, ჭავჭავაძის 78/88; 032 2 312 000; MSI, SONY, HOTPOINT, REDMOND, VITEK, BOSH, AEG, TRISTAR, FRANKO, SIEMENS
• შპს იუჯითი, თბილისი, ჭავჭავაძის გამზ. #17ა; 032 2 220 505; HP ნოუთბუქები (გარდა PAVILION), HP პრინტერები, ACER

საგარანტიო ნივთის ახლით ჩანაცვლება

საგარანტიო ნივთის ახლით ჩანაცვლება ხდება, ავტორიზებული სერვის ცენტრის მიერ გაცემული დასკვნის საფუძველზე. თუ საგარანტიო ნივთი არ ექვემდებარება შეკეთებას, ნაშთის არსებობის შემთხვევაში, შესაძლებელია იგივე ახალი ნივთით ჩანაცვლება, ან ხდება პროდუქციის ღირებულების 75% - ის ანაზღაურება. ნივთის ღირებულება განისაზღვრება შეძენისას გადახდილი თანხით. ფორსმაჟორული მდგომარეობისას, გამყიდველი უფლებამოსილია, მომხმარებელთან შეთანხმების გარეშე, შეიტანოს კორექტირებები წინამდებარე პირობებში, საგარანტიო ვალდებულებებსა და სარემონტო ვადებში.

შეძენიდან 14 კალენდარული დღის განმავლობაში, მომხმარებელს (ფიზიკური პირი) უფლება აქვს გამყიდველს დაუბრუნოს ონლაინ  შეძენელი ტექნიკა მიზეზის/საფუძვლის მითითების გარეშე აღნიშნული წესი არ ვრცელდება იურიდიულ პირებზე/მეწარმე სუბიექტებზე კერძოდ, მეწარმე სუბიექტებს/იურიდიულ პირებს არ აქვთ ნივთის 14 კალენდარულ დღეში დაბრუნების უფლება, კანონმდებლობის შესაბამისად.  

საგარანტიო პირობებზე ხელის მოწერით მომხმარებელი ეთანხმება პირობებს და ადასტურებს ტექნიკის ვიზუალურ უნაკლობას.