როგორ შევარჩიოთ ლეპტოპი სტუდენტისთვის

დღეს ლეპტოპი სტუდენტური ცხოვრების ერთ-ერთი შეუცვლელი ნაწილია, რადგან თანამედროვე განათლების სისტემა ითვალისწინებს მუდმივად  მობილურ რეჟიმში ყოფნას. ლექციებზე ჩანაწერების გაკეთებიდან დაწყებული დავალებების ონლაინ წარდგენამდე თუ საყვარელი სერიალით განტვირთვისთვისაც კი, ლეპტოპის ყოველდღიური გამოყენების აუცილებლობა დღესავით ნათელია. 

თუმცა, როდესაც დგება ყიდვის საკითხი, ისმევა კითხვა: როგორ შევარჩიოთ გონივრულად ლეპტოპი? რა შესაძლებლობები უნდა ჰქონდეს და რა პარამეტრებს უნდა მიაქციო ყურადღება, რომ არასწორი არჩევანი გამორიცხო? ყველა კითხვაზე პასუხს ამ ბლოგში აღმოაჩენ. 

• განსაზღვრე საჭიროება. 

პირველ რიგში, ჩამოწერე ყველა შესაძლო დანიშნულება, რისთვისაც ლეპტოპს გამოიყენებ. მხოლოდ ინტერნეტში მასალის მოძიება და ჩანიშვნების გაკეთება გსურს თუ კონტენტის შექმნას და რენდერინგს ეჭიდები? იქნებ, ფოტოშოპის დაუფლებას აპირებ? ნებისმიერ შემთხვევაში, საჭიროებების განსაზღვრა ლეპტოპის შერჩევისთვის უმნიშვნელოვანესია, რადგან სწორედ მასზე დაყრდნობით ირჩევა ტექნიკური მახასიათებლები..

• უპირატესობა მიანიჭე მოსახერხებელ მოდელს

გაითვალისწინე სტუდენტური ცხოვრების რიტმი. დამღლელი დღის განმავლობაში, ლეპტოპის ტარება ტვირთად არ უნდა იქცეს. სტუდენტებისთვის ლეპტოპის რეკომენდირებული წონაა საშუალოდ 1,5 კგ. ამიტომ შეარჩიე მცირე ზომის ლეპტოპები. ამით, ჯანმრთელობაზეც იზრუნებ. 

• ეკრანი

ლეპტოპის ეკრანი არის ფანჯარა ციფრული სამყაროში. გაითვალისწინე, ეკრანი არც ისეთი პატარა უნდა იყოს, რომ გაგიჭირდეს მასში მუშაობა და არც ისეთი დიდი, რომ ტარება მოუხერხებელი იყოს.  ლეპტოპები 13-დან 15 ინჩამდე ეკრანით აყალიბებს იდეალურ ბალანსს საკმარის ზომასა და მოხერხებულობას შორის. მკვეთრი ვიზუალური გამოსახულებისთვის შეარჩიე ლეპტოპი Full HD გარჩევადობით (1920 x 1080) 

• სიმძლავრე

ნებისმიერი ლეპტოპის მთავარი ნაწილი მისი პროცესორია. თუ ინტენსიური ამოცანების შესრულება არ მოგიწევს, მინიმალური მონაცემი, რაც უნდა ჰქონდეს სტუდენტისთვის განსაზღვრულ ლეპტოპს არის  Intel Core i3 ან AMD Ryzen 3. ამ ტიპისა და სიმძლავრის ლეპტოპები შეუფერხებლად მუშაობენ და ყოველდღიური დავალებების სწრაფად შესრულებას უზრუნველყოფენ.

• მყარი დისკის ტიპი

Ამ მაჩვენებელში უკომპრომისოდ SSD აირჩიეთ და არა HDD, რადგან სისტემის და პროგრამების ჩატვირთვა სწრაფად, დაყოვნების გარეშე მიმდინარეობდეს. Რაც შეეხება მის მოცულობას, 256GB-ზე ნაკლებს ნუ აიღებთ, რადგან სისტემის ჩატვირთვის შემდეგ სივრცე დაგრჩეთ თქვენი პროგრამებისა და ფაილებისთვის.

• RAM

წარმოიდგინე შენი სამუშაო სივრცის მაგიდა. თუ მასზე ბევრი ნივთი გაქვს დალაგებული, საჭიროს პოვნა შეიძლება გაგირთულდეს, რამაც შეგანელოს, ხოლო თუ შენი სამუშაო მაგიდა დიდია, ნივთების გადანაწილება და მათი პოვნა თავისუფლად შეგეძლება. დაახლოებით ასე მუშაობს RAM. შეარჩიე ლეპტოპი მინიმუმ 8გბ მოცულობით, რომ სამუშაო პროცესში აპლიკაციები და პროგრამები თავისუფლად  გახსნა, შეფერხების გარეშე. 

• ელემენტი

შენთვის, როგორც სტუდენტისთვის, მნიშვნელოვანია, რომ დენის წყაროს ძიებით მეცადიენობის პროცესში ხელი არ გეშლებოდეს. ამიტომ, ლეპტოპის შეძენამდე გაითვალისწინე, ლეპტოპს ელემენტით მუშაობის ხანგრძლივობა მინიმუმ 8 საათი უნდა ჰქონდეს

• ფასი

შეძენისას ერთ-ერთი მნიშვნელოვანი გადამწყვეტი ფაქტორი ფასია. გაითვალისწინე, არ არის აუცილებელი ძვირიანი მოდელის შერჩევა. ლეპტოპის ღირებულებას, ძირითადად, მისი შესაძლებლობები განსაზღვრავს. თუ შესაძლებლობებს ისე შეარჩევ, რომ არც მეტი და არც ნაკლები იყოს შენს საჭირობებებთან, ბიუჯეტს სწორად განკარგავ. ჩვენ სტუდენტებისთვის ლეპტოპები 1500 ლარამდე შეგირჩიეთ. 

შენთვის იდეალური და ხელმისაწვდომი ლეპტოპის შერჩევა დამღლელ პროცესად არ უნდა იქცეს. Ამიტომ გთავაზობთ ჩამოთვლილი კატეგორიების მიხედვით შერჩეულ საბაზისო მოდელებს, რომლებიც ერთგულ მეგზურობას გაუწევენ სტუდენტებს სწავლის პროცესში ლინკი.